Мерапрыемствы, прысвечаныя беларускаму арнаменту прайшлі ў Віцебскай абласной рэабілітацыйнай камісіі
Пярвічнай прафсаюзнай арганізацыі ўстановы у рамках мерапрыемстваў, прымеркаваных да галоўнага свята краіны Дня Незалежнасці Рэспублікі Беларусь, быў арганізаваны і праведзены «Дзень вышыванкі».
Праект накіраваны на фарміраванне грамадзянска-патрыятычнай культуры моладзі і дарослых, захаванне нацыянальных традыцый.
З самай раніцы супрацоўнікі ўстановы апынуліся ў святочнай атмасферы беларускага фальклору.
Старшыня ППА Наталля Карнічэнка прадставіла работнікам старадаўнія рушнікі, вышыванкі. Яна таксама паведала аб значэннях беларускіх арнаментаў, іх гісторыі і спосабах вышывання.
– У кожнай краіны свае сімвалы. Вышыванка – адзін з важнейшых сімвалаў Беларусі. Гэта тое, чым кожны з нас можа ганарыцца, бо па вышыванцы можна вызначыць нацыянальнасць чалавека, адкуль ён родам. Нацыянальны узор прысутнічае і у дзяржаўнай сімволіцы нашай краіны – Дзяржаўны сцяг. У аснове яго арнаменту ляжыць узор «узыходзячае сонца». Вертыкальная арнаментальная паласа дзяржаунага сцяга Беларусі багатая на сімвалы, дабрабыт, багацце, працяг жыцця. Беларусь — першая ў свеце краіна, якая выкарыстала нацыянальны арнамент у якасці элемента Дзяржаўнага сцяга, — гаворыць старшыня «пярвички» Наталля Карнічэнка.
Беларускі нацыянальны арнамент з’яўляецца не проста ўпрыгожваннем убору — у ім кожны ўзор мае свой сэнс і сакральнае значэнне.
Гэта асаблівы шыфр нашага народа, элементы якога сімвалізуюць прыгажосць і дабро, даюць надзею і сілы, які адлюстроўвае любоў і павага чалавека да роднай зямлі і сваіх продкаў.
У канцы свята журы падвяло вынікі фотаконкурсу «Мой родны кут, як ты мне мілы», які праходзіў ва ўстанове сярод работнікаў.
Пераможцам былі ўручаны памятныя падарункі прафсаюзнай арганізацыі ўстановы аховы здароўя.
